РОУИС- Казакстаны Мырзахметовын их сургуультай хамтран ажиллана

Казакстан улсын Кокшетаугийн Абай Мырзахметовын нэрэмжит Их сургууль,  Монгол улсын РОЯАЛЬ ОУИСургууль Шинжлэх ухаан, боловсролын чиглэлээр үйл ажиллагаа явуулах  “ Боловсрол Судалгааны  төв”-г байгуулж гэрээнд харилцан гарын үсэг зурлаа.

Энэ төв нь гадаад улс орнуудад урт, богино хугацааны академик сургалт зохион байгуулах, багш солилцох, докторант, магистрант, оюутан солилцох, үүнд мэргэжлийн  хөтөлбөр, модуль бүрээр хянан хэлэлцэж, хамтарсан хөтөлбөрөөр сургах, эрдэм шинжилгээний хурал зохион байгуулах, эрдмийн зөвлөлийн гишүүнээр ажиллуулах,  судлаачдын бүтээлийг хэвлэн нийтлэх, сурталчлан таниулах үйл явцыг тасралтгүй чиглүүлж ажиллана гэдгийг гэрээнд тусгалаа. 4 сарын 12 –ны өдрийг Казакстан улсын шинжлэх ухааны ажилтануудын баярын өдөр хэмээн тэмдэглээд Казакстан улсын Кокшетаугийн Абай Мырзахметовын нэрэмжит Их сургуулиас ОУЭШ-ний онол практикийн бага хурлыг ” Өнөөгийн нийгэмд  тулгамдсан асуудлууд, хууль эрхзүйн орчин ба инноваци ” сэдвээр зохион байгууллаа.Тус хуралд нийт 14 орны эрдэмтэн судлаачид эрдэм шинжилгээний өгүүллээ илтгэн, хэлэлцүүллээ.

Монгол улсаас РОУИС-н ЭШ,Сургалт эрхэлсэн дэд захирал, доктор /Ph.D/  Я.Батханд “Залилах гэмт хэргийг бууруулах боломж ”, РОУИС-н Эрдмийн зөвлөлийн ЭНБД, доктор /Ph.D/, профессор Д.Төмөрчөдөр “ Монгол улсын тэтгэврийн шинэчлэл, өв залгамжлал”, РОУИС-н Гадаад харилцааны мэргэжилтэн Б.Бадамгарав докторант /Ewha Womens University, Korea/ “ТББ-н Эрхзүйн орчин” сэдвээр өнөөгийн нийгмийн тулгамдсан асуудлуудаар илтгэл хэлэлцүүллээ.