РОУИС - Монгол Улсын хэмжээнд анхдагч Volunteer хөтөлбөртэй сургууль боллоо

РОУИС – Монгол Улсын хэмжээнд анхдагч Volunteer хөтөлбөртэй сургууль боллоо

Рояаль Олон Улсын Их Сургуулийн Эрдмийн зөвлөл хуралдлаа.

Эрдэм шинжилгээ судалгааны ажлын цар хүрээг өргөтгөх, Монгол Улсын Боловсролын салбарт шинэлэг алтернатив боловсролын сор шимийг түгээх анхлан хэрэгжүүлэгдэх боловсролын шинэлэг хөтөлбөрийг хэлэлцэн баталлаа.

2010 оноос үйл ажиллагаагаа явуулж эхэлсэн Рояаль Олон Улсын Их сургууль өөрийн эрхэм зорилгодоо энэхүү асуудлыг тусгаж өгсөн бөгөөд багш нарыгаа эрдэмжүүлэх, мэдлэг чадварыг нь дээшлүүлэхэд онцгой анхааран ажиллаж ирсэн.

Өнөөдөр Рояаль Олон Улсын Их сургуулийн эрдмийн зөвлөл 2022-2023 оны эрдэм шинжилгээний ажлыг хөгжүүлэх хөтөлбөр болон РОУИС-ын сургалт, судалгааны ажлын стандартаа баталсан юм. Түүнчлэн Монгол Улсын хэмжээнд анхдагч Олон Улсын Сайн дурын хөтөлбөр хэрэгжүүлэгч Олон Улсын Их Сургууль боллоо.

Хурлыг РОУИС-ийн эрдмийн зөвлөлийн дарга Шинжлэх ухааны Доктор Профессор Д.Болдбаатар удирдаж зөвлөлийн гишүүд бүрэн бүрэлдэхүүнээрээ оролцсон. Сүүлийн жилүүдэд тус сургуулийн эрдмийн зэрэг хамгаалж байгаа багш нарын тоо өссөн, судалгаа шинжилгээний ажил шинэ түвшинд хүрсэнтэй холбогдуулан эрдмийн зөвлөлийг шинээр батлах шаардлагатай гэж үзэн 100 хувийн саналаар эрдмийн зөвлөл шинэчлэгдэн батлагдлаа.

Хуралд РОУИС-ийн Үүсгэн байгуулагч, Эрдмийн зөвлөлийн гишүүн Н.Учрал, РОУИС-ийн УЗ-ын дарга Эрдмийн зөвлөлийн гишүүн Доктор Профессор Ж.Цэцэгмаа, РОУИС-ийн Эрдмийн зөвлөлийн дарга Sc.D Д.Болдбаатар, РОУИС-ийн Эрдмийн зөвлөлийн гишүүн, ЭНБД Ph.D Д.Төмөрчөдөр РОУИС-ийн Эрдмийн зөвлөлийн гишүүн Ph.D Жосеб Сапианза, РОУИС-ийн Эрдмийн зөвлөлийн гишүүн (Ph.D Ким Янг Рай, РОУИС-ийн Эрдмийн зөвлөлийн гишүүн Ph.D Ж.Ариунболд, РОУИС-ийн Эрдмийн зөвлөлийн гишүүн Ph.D Я.Эрдэнэчимэг, РОУИС-ийн Эрдмийн зөвлөлийн гишүүн Ph.D Д.Чинцэцэг нар байв.

Тус хурлаар РОУИС-ийн Бизнесийн хөтөлбөрийн багш Доктор Ph.D Ким Янг Рай РОУИС-ийн Профессор цол авлаа.

Эрдмийн зөвлөлийн шинэ бүрэлдэхүүнд:

Хэл шинжлэлийн ухааны доктор Ph.D Н.Ундрал

Хууль зүйн ухааны доктор Ph.D Г.Туяа

Хууль зүйн ухааны доктор Ph.D Г.Наранбаатар

Нийтийн удирдахуйн ухааны доктор Ph.D Ч.Отгонбаяр

Нийгмийн Ухааны доктор Ph.D Ц.Энхээ нар сонгогдлоо. Нийт эрдмийн зөвлөлийн гишүүддээ сургалт судалгааны ажилд нь өндөр амжилт хүсье.