Royal Nation олимпиадад 1200 сурагчид оюунаа сорилоо

Рояаль Олон Улсын Их Сургуулиас 2022 онд ЕБС-ийн 12 дугаар анги төгсөгчдийн Англи хэлний хичээлийн хөтөлбөрийн агуулгын түвшин, стандартын хэрэгжилт, мэдлэгийн түвшинд үнэлэлт өгч, Элсэлтийн ерөнхий шалгалтын бэлтгэлд тандалт хийж, улсын аваргыг тодруулах зорилготойгоор  цаашлаад нийт өсвөр үеийн англи хэлний мэдлэгийг дээшлүүлэх, хэл сурах хүсэл эрмэлзлэлийг урамшуулах зорилготой тус төсөл амжилттай хэрэгжиж аваргуудаа тодрууллаа. Тус олимпиадад 21 аймаг 9 дүүргийн төлөөлөл болсон 1200 сурагчид оролцож Англи хэлний мэдлэгээ шалгаж ЭЕШ-ийн өмнөх сорилгод хамрагдлаа. Энэ онд элсэгчдийн дийлэнх хувь Англи хэлний хичээлээр шалгуулж буй юм.

Royal Nation 2022 Англи хэлний олимпиадад

1-р байр 1,000,000 төгрөг USA 2+2 хөтөлбөрийн 100 хувийн сургалтын төлбөрийн тэтгэлэгийн эзнээр Нэст эдукэшн сургуулийн сурагч С.Тамираа

2-р байр 700,000 төгрөг USA 2+2 хөтөлбөрийн 70 хувийн сургалтын төлбөрийн тэтгэлэгийн эзнээр Оюунлаг сургуулийн 12-р ангийн сурагч Ц.Номин-Эрдэнэ

3-р байр 300,000 төгрөг USA 2+2 хөтөлбөрийн 30 хувийн сургалтын төлбөрийн тэтгэлэгийн эзнээр 14-р сургуулийн сурагч Ү.Билгүүннаран нар тодорлоо. 

Мөн Рояаль Олон Улсын Их Сургуулийн 1,000,000 төгрөгийн сургалтын төлбөрийн хөнгөлөлтийг 20 сурагчдад олгосон.

 Royal Nation төслийн ерөнхий ивээн тэтгэгчээр Жимсний амтат цайны брэнд Peace tea  хамтарч ажиллаж өөрсдийн нэрийн гарын бэлгийг 50 сурагчдад гардуулсан юм. Олимпиадыг дэмжиж УИХ-ын гишүүн Д.Цогтбаатар Хятад хэлний бэлтгэлд суралцах болон БНХАУ-ын Их, дээд суралцах 100 хувь тэтгэлэгийн эрхийн бичгийг 5 сурагчдад, Hippocard аппликешны 6-12 сарын эрхийн бичиг 35 сурагчдад болон 2 сурагчид Ментора хэлний бэлтгэлд суралцах эрхийн бичгээр шагнасан. SDS Залуучуудын холбооноос Амжилттай оролцсон сурагчдад Алсын хараа номын дээжис 15 сурагчдад бэлэглэлээ. Олимпиадын хамтран зохион байгуулагч Winner’s Course сургалтын төвийн зүгээс Захирал Г.Тэмүүлэн 10 сурагчдад хөнгөлөлттэй суралцах эрхийн бичиг гардуулсан. Олимпиадад Нэст Эдукеншн, Оюунлаг сургууль, 14-р сургууль, 1-р сургууль, ЕИС 77, Томуужин, Их засаг лицей сургууль, Олонлог сургууль, Сант сургууль, Дархан Эмпати сургууль, Төгс дэлгэрэх, UI-Tsai, 11-р сургууль,

ШУТИС ахлах сургуулиуд хошуучлан оролцлоо. Энэхүү олимпиад нь Монгол улсын хэмжээнд хамгийн олон оролцогчтой олимпиад болсон юм.